NAGPOSITIBO ha Paralytic Shellfish Poison (PSP) toxin an shellfish meat sample nga ginkolekta ha SAN PEDRO BAY (Basey, Samar) ini in basar ha laboratory examination nga gindumara han BFAR National Fisheries Laboratory Division.
Mahugot naman nga ginpapahinumdom han buhatan an publiko nga deri la anay kumuha, kumaon ngan magbaligya hin bisan ano nga klase hin SHELLFISH ngan Acetes o “alamang” tikang ha nasabi nga katubigan.
Ini in agud maging talwas an tanan samtang ginhuhulat pa an issuance han National Shellfish Bulletin and Advisory.
Talwas naman kaunon an isda, pusit, pasayan ngan masag pero dapat hugasan an mga ini hin maupay.