Nagdumara an Sangguniang Panlalawigan han Northern Samar hin Public Hearing bahin programa nga Halina’t Magtanim ng Prutas at Gulay (HAPAG) ha mismo SP Session Hall, Provincial Capitol.
An nasabi nga public hearing in kabahin ha paghimo hin ordinansa ha mga guidelines ha pag-implementar han HAPAG Project ha probinsiya nga nagmamandu ha tagsa local government units nga ig-implementar an nasabi nga proyekto ha tagsa barangay agud maibanan an kagutuman ngan agud makag-ambag ha food security.
Ha pangunguna han Department of Interior and Local Government (DILG) ha pamaagi han Memorandum Circular 2023-001, an HAPAG Project in naghihingyap nga pakisgon an mga kapasidad han mga barangay ha pagdudumara hin sustainable agriculture initiatives sugad han Barangay Community Gardening kun diin an mga miyembro han komunidad in gin-aaghat nga magproduce hin presko ngan masuumstansya nga prutas ngan mga utanon tikang ha tagsa libong.
Presente ha nasabi nga hearing an Liga ng mga Barangay Provincial Federation President ngan ex officio Board Member Beatriz Amande, local agency heads, mga representante ngan iba pa nga stakeholders nga naghatag hin mga inputs ha nasabi nga ordinance.