Sangka unit it 38 revolver nga owa it bala ro ginsurender sa 1st Aklan PMFC pinaagi it “Project Armas Islan Bugas.”
Matapos ipatigayun it personnel it 1st Aklan PMFC ro information dissemination sa E-CLIP, sangka concerned citizen it Brgy. Manika sa banwa it Libacao ro nagsurender ku anang nasambit nga loose firearm.
Resulta raya it padayun nga inisyatibo nga “Armas Islan Bugas” kaangot sa TKAL Program it PNP ag 3rd Maneuver Platoon, Manika View Point, Brgy. Manika, Libacao, Aklan.
Ro nasambit nga loose firearm hay properly coordinated ag documented sa Libacao MPS, ag nai-turn over eon sa 1st Aklan PMFC supply PNCO para sa kustodiya ag safe keeping. / ANN DESLENE SALAZAR