Dungog ag kadaeag-an ro hatud ni Ms. Nicole Segovia, sangka scholar it Aklan provincial government sa Aklan State University – Ibajay Campus matapos imaw nga kilaeahon bilang IWAG Awardee makarung dag on 2023.
Si Ms. Segovia, hay Editor-in-chief it The Panicle, opisyal nga publication it ASU-Ibajay, ag naga isaeahanon nga ginpasidunggan it nasambit nga award sa bilog nga Aklan halin sa nagkasari-sari nga kolehiyo nga nagpasakop sa nasambit nga award.
Ro IWAG Award hay sangka pasidungog nga gin-organisa it Philippine Information Agency Region VI para kilaeahon ro mga campus paper writers sa Senior High School ag kolehiyo sa andang abilidad ag dedikasyon sa komunikasyon ag akademya. // ANN DESLENE SALAZAR