Sarangani namroblema sa residente nga di magpaturok og bakuna

PASPASAN na sa probinsiya sa Sarangani ang vaccination rollout human natala ang ubos nga vaccination turn out. Matud ni Dr. Arvin Alejandro, Provincial Health Officer ikanaog na nila sa mga barangay sa probinsiya ang pagbakuna. Magpatabang na usab sila sa mga Indigenous Person Mandatory Representative sa lugar pinaagi sa rekorida.

Aron awhagon ang mga tribu sa ilang lugar nga magpabakuna na batok sa Covid-19. Giangkon niini nga problema nila ang pag-advocate sa bakuna sa mga Indeginous People (IP) ug poor population sa probinsiya.

“Sa Amsapit sa Maasim ang population doon is 2,000 pero ang nabakunahan lang anim lang, we still have a problems in really advocating sa bakuna sa mga IPs and 4Ps, specially na we have 7 cultural groups in Sarangani province, and you know even if the governor is moving around talk to barangay captians pag-akyat natin doon nahihirapan parin tayo,” asoy ni Dr. Alejandro.

Sa tulo kaadlaw nga national vaccination campaign sa gobyerno hagit kanila ang pagpasaka sa ihap sa nabakunahan sa probinsiya. Sa datus sa Department of Health (DOH) 12 Center for Health Development naa sa 413,522 ang target population sa Sarangani.

Apan sulod sa siyam ka bulan nga vaccination drive naa pa lang sa 83,459 o 20.18% ang partially vaccinated samtang 59,367 o 14.36% ang fully vaccinated. Kahibaloan nga gitakda ang deadline sa pagkab-ot sa herd immunity sa dili pa mahuman ang kasamtangang tuig. ( Richel Gubalani)