LEGAZPI CITY – Piglalaoman kan Basta Drayber Safety Enforcer, Inc. (BDSE), sarong transport group sa probinsya kan Albay, na magkakaigwa nin katrangkilohan sa tahaw kan pigpautob na tulong aldaw na nationwide transport strike na nagpuon kasuudma hasta saaga.
Sa intrevista kan Brigada News FM Legazpi kay Ronel Nebres kan nasambit na grupo, sinabi niya na matagamonitor sinda sa anuman na magigin kaganapan sa tinampo katakod kan nagpapadagos na tigil-pasada.
Segun saiya, may mga kinaolay naman sindang ibang mga transport group na manteniron an katrangkilohan.
Hagad niya na wara na nin mga mangyari na siring kan mga nagkaerenot na taon na nagkaigwang kariribukan sa pagkondusir nin strike.