Satellite registration ng COMELEC, malaking tulong sa pagdami ng botanteng nagpaparehistro

Malaki umano ang naitutulong ng satellite registration ng Commission on Election sa pagtaas ng bilang ng mga indibidwal na nagpaparehistro sa lalawigan ng Isabela.

Sa panayam ng 92.9 Brigada News FM Cauayan kay Atty. Manuel Castillo Jr., ang Isabela Provincial Election Supervisor, base sa mga report ng election officer sa mga bayan at siyudad sa lalawigan ay mas marami umano ang pumupuntang nagpaparehistro sa mga scheduled satellite registration na isinasagawa sa mga barangay.

Aniya, kinakailangan umanong magkaroon ng satellite registration ang bawat bayan o syudad dalawang beses sa isang linggo kung saan isasagwa ito tuwing araw ng Sabado at isang beses sa weekdays.

Dagdag pa ni Atty. Castillo, hindi umano nakakamit ng COMELEC ang target na nakapagrehistro dahil na rin sa limitado ang paglabas ng mga tao ngayong panahon ng pandemya.

Hinikayat niya ang mga botante na samantalahin ang scheduled satellite registration sa mga barangay upang magparehistro at makaboto sa nalalapit na 2022 National and Local Election.

Huwag na aniyang hintayin pa ang buwan ng Agosto o Setyembre kung saan maaring hindi na maaakomoda lahat ng mga opisina ng COMELEC ang pagdagsa ng botante dahil sa patuloy pa ring pagsunod sa minimum health standard lalo na aniya ang mass gathering at social distancing.

Leave a Reply

Your email address will not be published. Required fields are marked *