SC, naglabas ng writ of amparo at protection order para sa mga pastor ng UCCP at dating barangay captain

Naglabas ang Supreme Court ng writ of amparo at temporary protection order pabor sa dalawang pastor ng United Church of Christ in the Philippines (UCCP) at sa dating barangay captain.

Sa limang pahinang desisyon, pinagbawalan ng Kataas-taasang Hukuman ang mga respondents na pumunta sa loob ng one-kilometer radius ang Batangas UCCP pastors at mag-asawang Edwin Egar at Julieta Egar, dating barangay captain Ronald Ramos, at nang kanilang immediate family.

Matatandaan na noong Nobyembre, naghain ang tatlo ng writ of amparo sa Supreme Court dahil sa umano’y red-tagging ng mga miyembro ng Philippine Army.

Pinangalanan bilang mga respondents sina Armed Forces of the Philippines chief Lieutenant General Bartolome Vicente Bacarro, Philippine Army commanding general Lieutenant General Romeo Brawner, at 2nd Infantry Division commander Major General Roberto Capulong.

Kasama rin sa mga respondents sina 59th Infantry Battalion commander Lieutenant Colonel Ernesto Teneza Jr., Sergeant Ronald Dalo, Sergeant John Granpil, Private First Class Borge Ebol, Roy Dela Peña, at Bong Samela, at iba pa.
#

Leave a Reply

Your email address will not be published. Required fields are marked *