Pormal na nga ginturn-over an usa nga Sea Ambulance ha LGU Bato probinsya han Leyte nga nagtikang ha Department of Health (DOH).
Gipangunahan ini mismo ni DOH 8 Regional Director Dr. Exuperia Sabalberino kaupod an mga personahe han DOH ngan mga opisyales han LGU Bato.
Basar ha Municipal Health Officer han Bato, mapasinalanaton hira matungod usa an Bato ha nakakarawat hin Enhancement Program.
An mao nga Sea Ambulance in mayda stretcher, automatic external defibrillator, portable suction machines, oxygen cylinder, ngan iba nga medical equipment nga makakabulig ha pag transport ha mga pasyente.
Makakabulig an mao nga sea ambulance ha panahon han emergency ngan agud maserbisyuhan an mga residente ha isla sugad han Barangay Dawahon nga harayo ha bungto.
Mababaruan nga ha bug-os nga rehiyon 8, in mayda pa lima nga LGU an makakarawat hin Sea Ambulance kun diin amo ini an Tarangnan, Biri, Capul, San Antonio ngan San Vicente probinsya han Northern Samar