Subling gilugwayan sa Securities and Exchange Commission (SEC) og usa ka bulan alang sa aplikasyon sa amnestiya sa non-compliant ug nasuspende o narevoked nga korporasyon, sa dili pa ipatuman ang bag-ong multa ug mga silot.
Ang mga korporasyon nga pahamtangan og multa gumikan sa pagka-ulahi ug ang wala pag-file sa ilang annual financial statements (AFS), general information sheets (GIS), ug official contact details, hatagan na lamang og hangtod Nobyembre 6 aron nga maka-file sa ilang amnesty applications, subay sa SEC Memorandum Circular No. 17, Series of 2023.
Mamahimo sab nga ma-avail ang maong amnestiya pinaagi sa pagdawat sa web-based Expression of Interest form sa ilang SEC Electronic Filing and Submission Tool (eFAST) accounts.
Ang mga korporasyon, nga malampuson nga naka-file sa ilang mga aplikasyon sa amnestiya sa Nobyembre 6, kinahanglan nga isumite ang kompleto nga set sa amnesty requirements pinaagi sa eFAST sa umaabot nga Disyembre 4.