SEC hugtanong nagpahimangno batok Repa

Hugtanong nagpahimangno ang Securities and Exchange Commission (SEC) sa publiko batok sa pagbubo og puhunan sa  REPA/REPA PALUWAGAN nga usa ka dakong investment scam.

Gipagawas sa SEC ang abiso human nakadawat og daghang report ug pangutana bahin sa legalidad ug operasyon sa  REPA/REPA PALUWAGAN nga nagsumikad sa Bohol, Davao, Bukidnon ug Cebu.

Giklaro sa SEC nga dili rehistrado isip korporasyon o partnership ug dili usab kini otorisado nga magpahigayon og solicit investments/placements, moisyu og investment contracts ug ubang matang sa securities sanglit walay gilukat nga prior registration ug lisensya gikan sa  Commission nag maoy gilatid ubos sa Sections 8 ug 12 sa  Securities Regulation Code.

Gihisama sa  “PONZI SCHEME” ang operasyon sa REPA nga nagatanyag og 40% nga tubo sulod sa duha ka semana sa kantidad nga giinvest.

Angt mga pangalan nga nalambigit  ang ireport sa Bureau of Internal Revenue   (BIR)   alang sa tukmang legal nga aksyon nga buhaton sama sa pagpahamtang og penalidad base sa tax assessment nga himon sa maong buhatan. Hinoon padayong giatiman sa Anti Scam Unit ang mga investors sa REPA aron tingubon ang mga reklamo ug ebidenysa aron pormal nga maindorso alang sa  pagpasaka og kaso ngadto sa National Bureau of Investigation.BNFM-DAVAO