Seguridad sa Pasko sa GenSan, tripling gihugtan sa PNP

GIBUTYAG ni Mayor Lorelie Pacquiao nga hugot nga seguridad ang gipatuman sa Pasko sa GenSan, nga ang kasagaran sa mga aktibidad anaa sa Oval plaza.

Segun niini nakaistorya na niini ang labaw sa General Santos City Police Director nga si Police Col. Alexis Yap nga triplehon pa ang seguridad nga ipatuman karong nagagawas na ang mga tawo human ang duha ka tuig nga restrictions tungod sa pandemya.

Alayun sa Pasko sa GenSan 2022, gisiguro sa kapulisan nga mapatuman ang igong seguridad mao nagpahimangno sa mga moadto sa Oval Plaza nga ginabawal ang pagdala og armas o unsa mang mahait nga butang.

Lakip gidili ang pagpanigarilyo, pagdala og lighter o posporo ug Pyrotechnics o firecrackers.

Sa musaksi sa mga pasundayag ug musulod sa Oval plaza, gidili usab ang

backpacks, belt bags ug uban pang portable baggage ingon man ang pagsul-ob og baga nga jackets.

Samtang apil nga gibawal ang pagdala og mga pets sama sa iro ug ginadili usab ang pagbaligya og ilimnong makahubog ug sigarilyo ug bawal ang

ambulant vendors sulod ug gawas sa perimeter sa Oval Plaza.

Sa pagsulod sa Oval plaza, apil sa security guidelines ang pagtangtang sa ballcap o kalo ug face mask ug tugutan lang ang mga delivery vehicles gikan alas 8 sa buntag hangtud alas 4 sa hapon ug kinahanglang magpresenta og gate pass.

Leave a Reply

Your email address will not be published. Required fields are marked *