Paga tutukan it lokal nga pamunuan ro turismo it Kalibo sa masunod nga dag on.
Raya ro ginhayag base sa ginpatigayun nga Budget Forum para sa dag on 2024, bangud ro Kalibo hay kilaea sa Ati-Atihan Festival ag kaeapit kara nga isla it Boracay.
Base sa LGU Kalibo, kung magataeana it pondo sa turismo hay mabuligan kara ro local business ag employment, makatao it trabaho ag magapagsik ro ekonomiya.
Mapanami man kara ro mga imprastraktura, ma-preserba ro kultura, nagatao it environmental protection ag mapabaskug ro real estate market.
Ginpasiguro man it LGU Kalibo nga samtang nakatutok sa turismo hay magapatuman ro munisipyo it mga tikang para mapangalagaan ro palibot. // ANN DESLENE SALAZAR