Gihulagway sa Police Regional Office -7 ang pagsaulog sa Semana Santa 2023 sa Central Visayas nga generally peaceful.
Matud sa hepe sa PRO-7 nga si Police Brigadier General Anthony Aberin, nga walay bisan usa ka krimen nga natala may kalabutan sa Holy Week.
Gidugang pa niini, nga epektibo ang ilang gipatuman nga security deployment plans sa matag police station sa rehiyon.
Giingong dakung tabang ang pagbutang og police assistance desks ug ang subsub nga kampanya batok sa mga krimen ug ang pagpost og safety tips sa social media nakatampo sa malinawon nga Semana Santa.
Samtang ilang gipangandaman usab karon ang pagbalik na sa mga namakasyon gikan sa lain-laing probinsya sa Visayas region.//
