SEN. FRANCIS TOLENTINO, GIBISITAHAN ANG BRIGADA, GIPAAMBIT ANG MGA BALAUDNON UG MGA IMBESTIGASYON SA SENADO

GIBISITAHAN ni Senator Francis Tolentino ang Brigada adlawng Sabado ug gipaambit ang iyang kasinatian sa pagbalik sa GenSan.

Gikan matud pa siya sa Koronadal City ug mihapit sa Brigada News FM GenSan ug adlawng Dominggo miadto kin isa Tacurong City.

Si Sen.Tolentino ang chairperson sa Blue Ribbon Committee sa Senado ug giangkon nga lisod nga komiteba ang gihuptan tungod mga imbestigasyon ug mga anomalya apan makatabang matud pa kini alang sa ilang pagmugna og balaud ug pagpasaka og kaso.

Lakip sa ilang ginaimbestigahan ang sugar fiasco ug laptop deal sa DepEd nga sumala sa senador may mga upat hangtud unom ka hearing ang ipahigayon.

Gipasalig usab niini nga adunay mga mamugnang resolusyon ug konklusyon sa imbestigasyon ug panganlan ang mahimong makasuhan.

Dungan niini gibutyag usab ni Sen. Tolentino nga daghan kining iduso nga balaudnon, asa usa niini ang scholarship grant sa mga magtutudlo ug ilang mga anak.

Sa maong sogyot, libreng makatungha og masteral ang mga magtutudlo aron makatabang sa ilang promosyon ingon man sa ilang anak.

Lakip sa sogyot balaudnon sa senador ang may kalabutan sa defense, foreign affairs, may kalabutan sa Philippine sea ug daghan pa.

Leave a Reply

Your email address will not be published. Required fields are marked *