Senador, nilinaw na hindi naman ilegal na bumuo ng panel para sa ‘re-engineering’ ng MIF bill

Binigyang diin ni Sen. Win Gatchalian na hindi ilegal sa parehong kapulungan ng Kongreso na bumuo ng panel para irebisa ang panukala, gaya ng panukalang Maharlika Investment Fund (MIF), kahit tapos na itong maipasa sa ikatlo at huling pagbasa.

Paliwanag ni Gatchalian, na ang legislative process ay working process mula sa Kamara at Senado, o kahit ang House ay may sariling prerogative umano na bumuo ng technical working groups, four-man re-engineering panel, at iba pa.

Dagdag ng senador, na ang naturang body ay binubuo ng mga miyembro ng kapulungan, mga eksperto at resource persons.

Una nang sinabi ni Senior Deputy Minority Leader Paul Daza, na bomoto pabor sa Maharlika Investment Fund (MIF) bill sa Kamara, na unusual para sa panel na ire-engineer ang MIF, matapos itong maaprubahan sa Mababang Kapulungan. Kinuwestiyon din ito ng ilang House members, dahil dapat sana ay nasa Senado na ito para sa deliberasyon.

Leave a Reply

Your email address will not be published. Required fields are marked *