Inimbitahan ng Senate Justice and Human Rights Committee ang International Criminal Court (ICC) sa pagdinig nito sa isang resolusyon ng Senado na tumututol sa imbestigasyon ng ICC sa kontrobersyal na drug war ni dating pangulong Rodrigo Duterte.
Ayon kay Senator Francis Tolentino, hindi pa sumasagot ang ICC sa imbitasyon sa komite ng Senado.
Ang imbitasyon, ayon kay Tolentino, ay ipinaabot kay ICC chief prosecutor Karim Khan.
May ipinadala rin aniya na imbitasyon kay dating pangulong Duterte ngunit katulad nito, wala pang natatanggap na tugon ang komite.
Nauna rito, naghain ng resolusyon ang ilang senador na humihiling sa Senado na ipagtanggol si Duterte sa imbestigasyon ng ICC.//CA