Senior Citizen, nasapwan-patay sa sulod sang iya balay sa banwa sang Mambusao

Wala na sang kabuhi sang masapwan ang isa ka 67-anyos nga senior citizen sa sulod mismo sang iya puluy-an sa Briones Subdivision, Brgy. Atiplo, Mambusao, Capiz.

Ginkilala ang biktima nga si Roberto Derla Dapetillo, residente sang Brgy. Atiplo sa nasambit nga banwa.

Sandig sa imbestigasyon sang Mambusao Municipal Police Station, takna alas 3:30 kaina sang hapon nasapwan na lang sang isa ka menor de edad nga wala na ginhingadlan ang biktima nga nagakayaon na sa kusina sang balay kag wala na sang kabuhi.

Nahibaluan nga nagasupreher sang balatian nga asthma ang biktima kag nagaisahanon lang ini nga nagapangabuhi.

Ulihi ini nga nakit-an sang iya mga kasilingan alas 4 sang hapon sang Dominggo, Abril 9.

Sa karon, yara na ang bangkay sang biktima sa isa ka punerarya sa banwa sang Mambusao. | Judy Ann Juare

Leave a Reply

Your email address will not be published. Required fields are marked *