Senior citizen sa Zambales na tinangay ng tubig baha,bangkay na nang matagpuan
Patay na ng matagpuan ang isang senior citizen na inanod ng tubig baha sa bayan ng Cabangan, Zambales.
Ito ay makaraan ang ilang oras na paghahanap ng mga kaanak at ng mga rescuer pagkatapos na tangayin ng malakas na agos dahil sa bagyong Karding.
Ayon kay Disaster Management Officer Greg Del Rosario, hindi kalayuan sa lugar ng pinangyarihan natagpuan ang bangkay ng matandang hindi na pinangalan.
Matatandaan, hatinggabi noong linggo nang lumubog sa baha ang Bgy.San Rafael, Apo-Apo at Cadmang, pero ligtas na nakalikas ang mga residente maliban sa matandang inanod makaraang tangkaing iligtas ang alagang baka.
#
