Senior high School teacher, patay sa pagpamusil sa Trento

Dead-on-arrival ang usa ka 36-anyos nga senior high school teacher human gipusil kaduha ka higayon sa wala pa mailhing mga suspetsado sa Rotonda Crossing Cuevas, Trento, Agusan del Sur samtang sakay sa iyang kotse nga nakaparada sa maong lugar mga bandang alas 6:30 ang oras sa buntag.

Giila ang biktima nga si Carl Anthony Espinosa Tijones, dunay karelasyon, senior high school teacher sa Novele National High School, Rosario, Agusan del Sur.

Sumala pa sa kapulisan ug mga naksaksi, adunay kalalis ang biktima samtang nakaparada sa iyang gimaneuhang Nissan Almera nga adunay plaka nga LAJ 1774. Human sa init nga panaglalis, miibunot sumala pa ug mubo nga kalibre sa armas ang usa sa mga suspek ug gipusil sa nawong ug liog nga bahin ang biktima. Maayong pagkabad-ay sa driver’s seat nga bahin ang biktima human maigo sa pagpamusil.

Dali gilayong misibat ang mga suspek paingun sa Sta. Josefa nga bahin apan gibilin pipila ka metros ang gilay-on sa nahitabuan human mipalyar ang Skygo nga kolor itom nga motorsiklo. Misibat ang mga suspek nga gacommute ra bilin ang get-away nga sakyanan.

Gidala pa sa Franco Hospital ang biktima para sa atensyong medikal apan gibalhin sa Valentina Galido Plaza Memorial Hospital Bunawan District Hospital human walay attending physician ang nahiuna. Gideklarang dead-on-arrival ni Dr. Dhennel Mae Panawidan sa VGPMH tungod kay wala nay timailhan sa kinabuhi. Igo sa nawong ug liog nga bahin ang gikamatyan sa nahisgutang magtutudlo.

Blangko pa ang kapulisan ug kabanay kung unsay motibo sa pagpamusil. Padayon pa nga mihimo ug lawom nga imbestigasyon ang kwerpo sa kapulisan para mailhan ug madakpan ang mga responsable.

Gawas sa pagka-magtutudlo, nag-sideline ug online business lakip ang rent-a-car business ang biktimang magtutudlo.
-END-

Leave a Reply

Your email address will not be published. Required fields are marked *