Muabot na sa 14,804 ka mga senior citizens ang nabakunahan kontra Coronavirus Disease 2019 sa tibuok Northern Mindanao.
Basi sa datos, gibutyag ni Department of Health Regional Office 10 Director Dr. Jose Llacuna Jr. nga ang Cagayan de Oro ang adunay pinakataas nga ihap sa mga edaran nga nabakunahan nga muabot sa 4,416.
Gisundan sa 3,423 sa Bukidnon; 2,519 sa Misamis Oriental; 1,977 sa Misamis Occidental; 1,786 sa Lanao del Norte ug 683 sa Iligan City.
Una niini gi-ingon ni Dr. Llacuna nga paspas ang pagbakuna sa mga senior bisan og wala pa matapos ang pagbakuna sa mga health workers, tungod dunay uban nga frontliners nga mibalibad sa pagdawat sa bakuna, hinungdan nga ang gitagana nga bakuna gitupok sa mga senior nga buot magpabakuna.