SHOOTING INCIDENT SA BORBON, NAKAANGOL OG DUHA

GIBUTYAG sa kapolisan sa Borbon ang pagdakop sa usa ka 38-anyos nga lalaki nga gipasanginlan nga nagpabuto sa iyang pusil nga wala tuyoa pasado alas 7 sa gabii niadtong Domingo, Marso 12, 2023.

Sa maong shooting incident, labing menos duha ka mga lalaki ang nakaangkon og samad pinusilan.

Atol sa hot pursuit operation nadakpan sa mga tinugyanan sa balaod ang suspek nga giilang si Noel Soronio, sa silingang lungsod sa Tabogon, matod ni Police Captain Derrick Inot, hepe sa Borbon Police Station.

Gikompirmar ni Inot nga usa sa mga biktima ang uyoan sa suspek. Si Noel Soronio giingong nipusil kang Amando Soronio, 49; ug Raymund Monares, 33, mga alas 7 sa gabii. sa Barangay Tagnucan, Borbon sa wa pa gikatahong moeskapo.

Ang duha ka mga biktima naluwas sa pag-atake, ug karon nagpaalim sa usa ka ospital.

Nakuha usab sa kapolisan ang usa ka kalibre .38 nga revolver nga adunay duha ka bala, ug usa ka motorsiklo nga gituohang getaway vehicle sa suspek.

Si Noel Soronio gitanggong sa Borbon Police Station samtang nagpaabot sa pagpasaka og kasong Double Frustrated Homicide batok kaniya samtang ang mga imbestigador padayong nagsusi sa motibo sa pagpamusil.///

PHOTO:Borbon Police Station

Leave a Reply

Your email address will not be published. Required fields are marked *