Nakabaton sang financial assistance ang kapin 1,460 ka mga senior high school (SHS) students sa banwa sang Jamindan.
Malipayon nga ginbaton sang mga benepisyaryo ang tig P 1,000 nga kantidad nagikan sa lokal nga pagdumalahan sa amo nga banwa sa pagpanguna ni Mayor Mac Valdemar.
Naglab-ot sa P1, 460,000 ang balor sang pinansyal nga ginhatag sa mga estudyante nga ginakalakipan sang Jamindan NHS, Lucero NHS, Jagnaya NHS kag Macario Bermejo NHS.
Nahibaluan, ang nasambit nga distribusyon ang tuigan nga programa sang munisipyo halin sang nagsugod ang K-12 program agud mabuligan ang mga kabataan sa ila pag-eskwela.