Signing of memorandum sa pagitan ng PNP at LGU Ilagan para PNP training facility, matagumpay na isinagawa

Matagumpay na isinagawa ng Philippine National Police at LGU-Ilagan City ang signing of memorandum sa itatatag na PNP Training Facility.

Ang naturang training facility ay binili ng LGU Ilagan kung saan nasa mahigit 3 ektarya ang lawak nito na nakahimpil sa Tabacalera, Sta. Barbara City of Ilagan, Isabela.

Ayon kay Mayor Josemarie Diaz, ito ay tulong nila sa mga kapulisan na patuloy na nagsisilbi sa bayan.

Isa rin niya itong istratehiya ng kanilang syudad upang mapalakas ang kanilang ekonomiya at maging sentro pa ng komersyo.

Nagpaabot naman ng pasasalamat si PNP Chief PGen. Guillermo Lorenzo Eleazar sa alkalde sa ibinigay nitong suporta sa kanilang hanay sa pagbibigay ng training center na siyang maghahasa sa kakayahan at kapasidad ng mga kapulisan ng bansa. 

Kasabay ng nasabing aktibidad ay nagkaroon din ng turn-over ceremony para sa 3 sasakyang donasyon ng City of Ilagan LGU para sa PNP Ilagan Station.

Leave a Reply

Your email address will not be published. Required fields are marked *