Naging madinaeag on ro ginpatigayun nga Simultaneous Multi-Agency Send-off Ceremony ag Turn-over of Security Forces and Resources para sa nagahilapit nga Barangay and Sangguniang Kabataan Election (BSKE 2023) nga ginhiwat sa Police Regional Office 6 sa Iloilo City ku Oktubre 23, 2023.
Kaeakip sa mga nagtambong sa nasambit nga aktibidad hay ro COMELEC 6, PRO6, 3rd Infantry Division, PA; Coast Guard Western Visayas; Bureau of Fire Protection, ag ro Department of Education 6.
Sa nasambit nga seremonya, ginaboebanta nga kapin sa 12,486 ro gintaeana nga personnel halin sa Police Regional Office 6, samtang 30 sa Coast Guard Western Visayas, 6,741 sa Philippine Army, 2,437 halin sa Bureau of Fire Protection ro ginmanduan nga magbantay ag siguruhon ro seguridad ag safety sa bilog nga Western Visayas makarung Barangay ag Sangguniang Kabataan Elections 2023. // ANN DESLENE SALAZAR