Sikop atol sa gipahigayon nga buy bust operation sa kapulisan ang duha ka tao sa managlahing oras ug lugar dinhi sa General Santos City Mayo 21.
Unang nasikop si Jocelyn Emperado Aguirre, 40-anyos, single mother, walay trabaho nga residente sa Silway Fatima, Barangay Dadiangas West ning siyudad alas-4 sa kabuntagon.
Base sa report nga gipadala sa City Police Drug Enforcement Unit (CPDEU) nagpahigayon og drug buy-bust entrapment operation ang otoridad nga miresulta sa pagkasikop ni Aguirre.
Nagpakunong poseur-buyer ang usa ka pulis aron makapalit og suspected shabu sa suspetsado nga nagkantidad og P500.
Nakuha gikan kang Aguirre ang usa ka heat sealed transparent small rectangular size sachet sa gituohang shabu ug laing tulo ka gamay nga rectangular size sa sachet sa gituohang shabu lakip ang buy bust money nga P500.
Mitimbang kini og 0.42 gramos nga dunay gibana-banaang kantidad sa P 4,872. Samtang dakpan usab ang giilang si Mark Anthony Vitor alyas “Tarurok,” 27-anyos, taga-Silway Fatima, Barangay Dadiangas West alas-10 sa buntag.
Nasikop kini sa Batisil Street Extension, Purok Sampaloc, Barangay Dadiangas West.
Nakuha gikan kaniya ang usa ka heat sealed sa transparent small rectangular size sachet sa gituohang shabu ug laing upat ka gagmayng rectangular size ug usa ka medium size sa gituohang shabu lakip ang P500 nga marked money.
Ang iligal nga droga mitimbang og 1.8 gramo nga gibana-banaang nagkantidad ug P21,984. Ang mga nakuha nga iligal nga droga takdang dad-on sa PNP Crime Laboratory 12 alang sa Laboratory examination.
Takdang pasakaan og kasong kalapasan sa R.A 9165 kun comprehensive dangerous drugs act of 2002 ang mga dinakpan.