Single ticketing system posibleng ipatupad sa buong bansa – LTO

CAMARINES NORTE- Posible umanong ipatupad rin sa buong bansa sa mga susunod na araw ang single ticketing system na sinisimulan na ngayon sa Metro Manila.

Ito ang inihayag ni LTO Daet Assistant Chief Roberto Candelaria sa naging panayan ng Brigada News FM.

Ayon kay Candelaria pinag uusapan na rin daw kasi ang posibilidad na ipatupad ang ganitong sistema sa buong bansa pero sa ngayon ay nakatuon lang muna sa Metro Manila ang implementasyon nito at posibleng isunod na rin sa mga probinsiya.

Tungkol naman sa pag iisyu ng violation ticket kung alin ang mananaig, ticket ba ng LTO o ng LGU, ani Candelaria depende ito sa magiging pag uusap at sa mapagkakasunduan.

Pero posible umanong maging “uniform” na o isang ticket na lang ang gagamitin.

Kung pag uusapan naman daw ang legality ang palaging mananaig ay national law.

Ipinapatupad ang single ticketing system sa National Capital Region para magkaroon ng uniform policy sa traffic violations at penalty system.

Nakapaloob din sa ganitong sistema ang  pagkakaroon ng interconnectivity sa LTO at maging standard ang pamamaraan sa panghuhuli ng mga violators.

Sa ilalim nito ay lilikha ng unified at clear guidelines sa mga paglabag, tulad sa disregarding traffic sign, reckless driving, illegal parking (may driver o wala), pagmamaneho ng walang lisensya, overspeeding, pagmamaneho ng hindi rehistradong behikulo, illegal counterflow, obstruction at paglabag sa number coding.

Leave a Reply

Your email address will not be published. Required fields are marked *