Arestado ang isa ka Street Level Individual (SLI) matapos ginkasahan sang drug buy-bust operation sang mga kapulisan sa Brgy. Carida, Tapaz, Capiz pasado alas 3:00 kahapon sang Martes, Setyembre 12.
Ginkilala ang nadakpan kay Dennmark De Vicente, 33-anyos kag residente sang Brgy. Bag-ong Barrio sa nasambit nga banwa.
Narekober sa paghinakop ni De Vicente ang tatlo ka sachets sang ginasuspetsahan shabu lakip na ang nabakal sang police poseur buyer kag P1,500 nga buy-bust money.
Ginabanta nagabug-at sang 2 grams kag nagabalor tanan sang P6,800 ang nakumpiskar nga droga.
Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang nadakpan.
Sa karon, nagapabilin ini sa kustodiya sang Tapaz PNP para sa nagakaigo nga disposisyon. | Judy Ann Juare