KORONADAL CITY- UMABOT sa P 255.6 million na halaga ng infrastructure projects ang naipatupad ng provincial government ng South Cotabato ngayong taon sa gitna ng COVID 19 pandemic.
Ayon kay executive assistant IV Rudy Jimenea na karamihan sa mga ito ay mga road-related projects na pinondohan ng provincial government.
Ito ay kinabibilangan ng 14 na mga malalaking proyekto katulad ng upgrading, opening, at widening ng provincial roads at vital road networks sa mga pangunahing lugar.
Maliban dito, may naipatupad din na construction ng mga lined canals at mga box culverts; construction, rehabilitation, at expansion ng potable water systems; construction ng multi-purpose buildings, multi-purpose drying pavement with warehouse at iba pang postharvest facilities; at rural water supply at sanitation projects.
Nagpapatuloy din ang expansion at improvement projects sa South Cotabato Provincial Hospital sa Koronadal City partikular ang renovation ng old pay wing, old building, at emergency room.
