SOBRA 1,000 ka mga empleyado sa Brigada ang nakadawat og tag usa ka sakong bugas isip token of gratitude gikan ni Brigada Group of Companies CEO Elmer V. Catulpos ug iyang pamilya tungod sa mga talento ug abilidad nga nakatampo sa kalampusan sa kompanya sulod na sa 17 ka tuig.
Oktubre 18, 2005 namugna ang kompanya ug sa paglabay sa mga tuig, ubay ubayng mga subsidiary company ang natukod sa Brigada Group, una ang Brigada newspaper, Brigada News FM, Brigada Healthline Corporation, Brigada Pharmacy ug daghan pa.
Sa mga sobra na lima ka tuig sa pagserbisyo anaay tag duha ka tag 25 kilos nga bugas ug tag 25 kilos ang kadtong 5 years paubos sa serbisyo.
Ang paghatag og bugas ang matag tuig nga ginadalit sa Brigada sa mga empleyado niini matag anibersaryo sa kamugnaan sa kompanya.
Malipayun usab ang mga empleyado sa nadawat nga bugas nga alang kanila dakong tabang kini alang sa ilang kunsumo.