Naibalik sa tag-ana ru kwarta nga naga balor it P40, 680 nga gina panag-iyahan it sangka negosyante it baboy matapos maghueog sa buesa.
Nakilaea ru tag-anan it kwarta nga si Ronald Tafalla it Brgy. Cabatanga, Makato, Aklan.
Sa imbistigasyon, nakita it sangka construction worker nga si Joshua Arboleda Feliciano, sa legal nga edad ru kwarta ag gin turn-over kay Pastor Roel Castro it Brgy. Tigayon, Kalibo, Aklan.
Gin asistehan man ni Brgy. Kagawad Milloroso para mai-abot ru kwarta sa kapulisan.
Matapos ru maid-id nga imbistigasyon it Kalibo MPS, gin release ru kwarta sa nag claim nga tag-ana dahil sa akma sa gina sugid it tag-ana ag gina maduea nga kwarta.
Suno sa tag-ana, kabakeanan it gin baligyang baboy ru kwarta nga nahueog sa ana nga buesa.//MARIVIC Y. ILIN