Soccksargen nakatala og 17 Covid-19 Delta variant

MISAKA na sa 17 ang na-detect nga kaso sa Covid-19 Delta variant sa Soccsksargen region.

Matud ni Arjohn Gangoso, 16 sa kinatibuk-ang kaso ang naka-rekober na samtang natala ang usa ka patay.

Sa kinatibuk-ang kaso sa variant tulo ang narekord sa North Cotabato; 10 sa South Cotabato; duha sa Sarangani ug duha sa Sultan Kudarat. Gawas niini, dunay tulo ka Delta variant cases gikan sa North Cotabato nga padayong giberipika pa karon sa health authorities sa rehiyon.

Kung ang mga nasangpit ang returning overseas Filipinos o local. Una nang, gibutyag ni Gangoso nga wala’y local transmission sa maong variant sa rehiyon base sa ilang datus.

Ang variant, ang unang na-detect sa India nga rason sa pagka-collapse sa healthcare system. Sa rehiyon, misaka na sa 6,081 o 13.93% ang aktibong kaso sa Covid-19 samtang 36,178 o 82.87% ang recoveries ug 1,391 o 3.91% ang COVID-19 related deaths (as of Sept 14,2021). ( Richel Gubalani)

Leave a Reply

Your email address will not be published. Required fields are marked *