NAGPAHIGAYON og public consultation ang founder sa Solar Panel Project nga si Yan Amante ug mga personahe gikan sa duha ka barangay sa Gensan partikular ang Brgy. Conel ug Brgy. Mabuhay. Kini may kalabutan sa planong pagbutang og 150 megawatts solar panel power plant nga mamahimong mahimutang sa naasoyng mga barangay.
Base sa ilang gihimong survey sa lugar 72 hectares ang mamahimong masakop niini alang sa Barangay Conel ug 48 hectares alang sa Barangay Mabuhay. Mukapin matud pa sa 200,000 solar panels ang planong ipangbutang ug mamahimong mao kini ang pinaka unang solar powerplant sa nasud kung mamahimong palarong tugutan nga ipatukod sa nasampit nga lugar.
Ang solar panel powerplant ang makatabang matud pa sa pagkuhod sa balaydunon sa kuryente ug makaangkon og kapin 5 pesos kada kilowatt hour ang kuryente. Kung ugaling mamahimong mahinayon ang plano niini, sa ika-8 ka tuig sa ilang operasyon adunay dakong tax ang ilang mahatag sa LGU-Gensan.
Ang maong public consultation ang gitambungan usab sa mga personahe gikan sa City ENRO, Office of the Building Officials kon OBO ug City Planning. Walay nag oppose ug tanan mi-uyon sa maong proyekto tungod nakita matud pa sa duha ka Barangay nga dakong tabang kini alang sa ilang pag lambo ug kaayuhan alang sa tanan. I MJ Fernandez