Patay ang 21-anyos nga soltero matapos nakuryente kag nahulog sa landmark pole sa Barangay Poblacion Ilaya, Dumarao, Capiz.
Ginkilala ang napatay kay Gary Martinez, residente sang Barangay Jambad sang nasambit nga banwa.
Sandig sa imbestigasyon sang Dumarao PNP, nagsaka sa landmark pole ang biktima agud kaayuhon ang nagahilay nga poste sang suga apang aksidente sini nga nasalawig ang live wire sang Capiz Electric Cooperative (CAPELCO) nga gintunaan sang iya pagkakuryente kag nahulog sa iya ginatungtungan.
Bangud sini, nag-angkon sang patal nga pilas sa ulo ang biktima nga madasig naman ginrespondihan sang rescue team kag ginpadangat sa ospital apang ini ang ginbawian gid sang kabuhi. | Judy Ann Juare