Nanawagan ang Sorsogon Integrated Transport Federation (SORINTRAFED) sa mga commuters na huwag mabahala dahil tuloy-tuloy ang biyahe ng mga tradisyunal jeepney sa lalawigan ng Sorsogon.
Tiniyak nito na hindi sila sasama sa anumang tigil pasada na madidihado ang mga operators at drivers.
Ayon kay Ramon Dealca, Presidente ng SORINTRARFED, bagamat kaisa sila sa mga hakbang at panawagan ng mga grupo sa transportasyon na mabigyan ng konsiderasyon ang pag phase- out sa mga traditional jeepneys, wala umanong malinaw na konsultasyon sa kanila ang ibang grupo tungkol sa tigil pasada.
