SP PLANONG BABAGAN ANG PAGPALIT OG CT SCAN, MAYOR PACQUIAO POSIBLENG I VETO ANG MAONG ITEM

Hugot nga nagtuo si Atty Jeng Gacal ang special assistant to the mayor nga ang pag VETO ang option ni Gensan Mayor Lorelie Pacquiao kung babagan sa Sangguniang Panglungsod paritikular na ni Gensan Vice Mayor Rosalita Nuñez ang pagpalit og CT scan machine nga mukantidad og P100M.

Ang iyang pahayag human sa pronouncement sa bise mayor nga dili siya pabor sa pagpalit og CT Scan tungod mas maayong ihatag nalang ang P20M niini sa AMPING aron matabangan ang mga nanginhanglan  ug ang nahibiling P80 M ang gamiton nalang sa expansion sa Dialysis center nga anaa nahimutang sa compound sa may Dr. Jorge P. Royeca Hospital.

Segon ni Gacal nga  kung babagan sa konseho ang pag purchase og CT scan, option sa mayor nga kining nga item i-veto aron ma override ang proyekto.

Gihingusgan usab niini nga dili siya uyon o pabor sa plano ni Nuñez gumikan ang usa sa kulang gyud sa balay tambalanan ang CT scan.

Dako pud ang pagsalig ni Gacal nga may mga miyembro sa Sangguniang Panglungsod nga dili mo suporta sa pag override sa maong veto, tungod may may dili matud pa uyon sa pagbabag sa bise mayor gumikan wala kini maayong epekto sa katawhan.