Indi mag agto sa suba, bangud may posibilidad nga mangayo euman raya it pangdaga.
Raya ro naging hugot nga bilin it stepfather it pitong dag on nga unga nga baye bago pa raya naeumos sa suba sa Sitio Tinaungan, Brgy. Rizal, Ibajay, Aklan ku nagtaliwan nga adlaw.
Sa interview kay Mr. Gabriel Flores, bago pa maeumos ro biktima hay pilang adlaw eon segun nana ro mga raya nga ginbilinan nga indi magpaligos igto bangud delikado segun kapin hay maeubog, naga gulpi it taob ag masueog ro suba.
Nasayuran nga naglibod pa anay it baligya nga mangga ro nasambit nga unga bago maligos sa nasambit nga suba. Naga panangison si Mr. Flores bangud palangga gid segun nana ro biktima nga ginakabig eon nana nga anang tunay nga unga. // ANN DESLENE SALAZAR