Stepfather nga nanglugos, patay human misukol

Gipailalom gilayon sa Institute of Psychiatry and Behavioral Medicine, Davao Medical Center (IPBM ) alang sa medical nga eksaminasyon ang 12 anyos nga babaye human nga gi-unay og lugos sumala pa sa iyang ama-ama.

Kahinumdoman nga niadtong Biyernes sa hapon, Mayo 2 tuig kasmatangan, mireklamo sa San Pedro Police Station ang usa ka Melody, 34 anyos, kauban ang biktima nga nailang si alyas Jane, 12 anyos, grade 4 pupil, nga susamang residente sa Brgy. 76-A, Bucana, ning syudad human nga sumala pa gimolestiya ang biktima sa iyang kaugalingon ama-ama nga nailang s Dennis, 37 anyos, tricycle driver.

Sa imbestigasyon sa kapulisan, samtang natulog sa ilang balay ang biktima, kalit na lamg siya nga gihikap sa iyang dughan sa suspek, dayon gihuboan og sapot sa ubos nga bahin ug didto nahitabo ang sumala pa pagpanglugos sa suspek.

Paspas nga girespondihan sa otoridad ang panghitabo og daling gikasa ang pursuit operation sa pagpanguna ni PMaj. Marvin Hugos, Station Commander sa San Pedro PNP batok sa suspek nga anaa pa sa ilang panimalay.

Sa dihang dakpon na unta ang suspek, kalit na lamang kining mibunlot sa iyang caliber .38 revolver gikan sa sling bag ug gipabothan ang otoridad, isip depensa mibalos ang arresting police officer ug naigo ang suspek.

Gisulayan pa nila sa pagdala sa Southern Philippines Medical Center ang suspek apan gideklara kining dead on arrival sa attending physician.

Nakuha pa sa crime scene ang usa ka bala sa caliber .9mm ug usa(1) ka unit sa caliber .38 revolver nga walay serial number nga giundan sa upat (4) ka mga buhing bala.