Iga patuman ru striktong pagsunod sa tamang rota it mga naga byaheng tricycle sa banwa‘t Kalibo agud malikawan ru sanction sa sin-o man nga maga-eabag.
Suno sa Land Transportation Office (LTO) Kalibo District Office, maga-issue anay it warning sa mga multi-cab drivers ag operators sa mga naga-eabag sa rota.
Dati anay, maga bayad it pinalidad nga naga-abot sa P6,000 ru mga out-of-route tricycles nga naga pasakay it mga pasahero halin sa Banga ag banwa it Numancia.
Apang, aminado ru LTO- Kalibo District Office nga gina bantayan man sanda it mga tricycle drivers kun naga operate ag uwa man dayon sanda naga pasakay it mga pasahero.
Samtang, 50% eamang it mga pasahero ru pweding maka sakay sa mga multicub bilang pag sunod sa quarantine restrictions.//MARIVIC Y. ILIN