LEGAZPI CITY – Magayon kuta su boot an obheto kan pigbubusol kan sarong konsehal sa Libon, Albay na i-exempt an mga motorista sa pagsusulot nin helmet kada malaog sa banwaan.
Segun ini kay Libon PNO Chief of Police PCapt. Victor Borjal.
Sa intrevista saiya kan Brigada News FM Legazpi, sinabi niya na igwa ini nin positibong epekto orog na pag-abot sa pag-identipikar sa mga tawong responsable sa krimen.
Alagad, bako su boot ini madali huli ta pigbabalgar kaini an sarong nasyunal na ley.
Segun kay Borjal, inimplementar an ley para sa kaligtasan kan mga motorista nganing igwa sinda nin proteksyon sa payo en kaso magkaigwa nin dai piglalaoman na mga pangyayari.
Para kay Borjal, kaipuhan digdi an ararom asin maigot na pag-aadal.
Mientrastanto, segun pa sa opisyal, an saindang banwaan, bako man siring kan iba na makatakot, huli ta normal paman giraray an pagkabuhay kan saindang mga residente kaya wara na dapat ikatakot.
Alagad, igwa sana kaya nin mga dai piglalaoman na mga insidente.