DAKPAN ang sundalo nga nagkupot ug laaw nga mga armas, sa Maloro Tangub City Misamis Occidental, kaniadtong Mayo 31, ning tuiga.
Sikop ang suspetsado pinaagi sa hiniusang operasyon sa mga kapulisan.
Base sa imbestigasyon sa mga otoridad, nga usa kini ka retired army, og kanhi nga nadestino sa Marawi City, og usa ka probationer nga lumolupyo sa naasoy nga barangay.
Matud pa, nahilambigit usab kini sa usa ka tulis nga nahitabo kaniadtong nakalabay’ng tuig didto sa Santa Maria Tangub City.
Gimando sa korte ang pagpangita sa 45 caliber pistol, ug shot gun nga gihuptan ni Siete sulod sa iyang panimalay. Apan sa gihimo nga pag pangita sa lawak sa target, andunay nakita ang mga otoridad, nga daghan pang mga armas nga gikuptan sa suspek.
Nakuha sa posisyon sa suspek, ang duha ka hand grenade, usa ka glock 17 pistol, upat ka 38 caliber 38, usa ka shotgun, usa ka 22 caliber rifle, unom ka magazine sa M16, 25 kabuok bala sa 5.56, 44 kabala sa caliber 45, 27 ka buok bala sa caliver 38, 12 kabala sa 9 mm pistol, ug 23 ka mga bala sa shotgun.
Giangkon sa suspetsado nga hinipos niya ang ubang armas ug bala kaniadtong panahon nga aktibo pa siya sa serbisyo, isip sundalo, apan may issued fire arm ang igsuon niyang sundalo nga gibilin kaniya ug naapil sa pagkasakuha sa mga otoridad.
Kasong pagsupak sa RA 10591 kon Comprehensive Fire Arms and Ammunitions Regulations Act o paghupot sa dili lisensyadong armas ang atubangon sa suspek nga nagtingkagol na karon sa prisohan.( Cj Luzano)