Boluntaryong misurender ang isa ka sakop sa 23rd Infantry Battalion Philippine Army ngadto sa Nasipit Municipal Police Station human namusil og sibilyan diha sa District 2, Brgy Ata-Atahon, Nasipit, Agusan Del Norte pasado alas – 10:00 kagabii.
Mismo si Lieutenant Colonel Cesar Paulo, ang Battalion Commander sa 23rd IB PA ang naghatod ngadto sa kapulisan kang PVT Dante Ameller Aquino, 34 anyos, residente sa San Luis Agusan del Sur samtang ang laing isa ang padayon pang nagtago.
Ang biktimang mag-amahan mao sila Marcos Yonson, 62 anyos ug Bernard Yonson, 36 anyos.
Sa imbestigasyon ni Police Staff Sergeant Jerry Paul Guzon, ang imbestigador sa Nasipit Municipal Police Station, wala matod pa nakauyon ang suspetsado sa tubag ni Bernard hinungdan nga nikuha kini’g armas, gibalikan, apan ang amahan nga bag-o lang niduol sa waitin-shed maoy unang gipusil sa makadaghang higayon.
Daling gilayog sa anak ang suspetsado hangtod nangatumba, apan hag-as lang kining gipusil sa kaubanan.
Paspas gipangdala sa ospital ang mga biktima, apan, wala na kini nasalba pa. samtang daling nanibat ang mga responsable.
Nasipit MPS