Pursigido nga mupasaka og kaso ang usa ka sundalo nga bana batok sa iyang asawa nga maestra homan niini masapon nga nakig-check in sa usa ka minyo nga public school principal sa usa ka lodge sa Barangay Kauswagan ning syudad sa Cagayan de Oro.
Sa pakighinabi sa Brigada News, gikompirma ni Carmen Police Station 4 Deputy Station Commander Police Lt. Lorenzo Ocon Jr. nga kaso nga adultery ang ipasaka sa bana ngadto sa iyang asawa, ug mupasaka sab kini og kaso sa nahisgutang school principal.
Una nang migawas sa imbestigasyon nga taod-taod na matud pa nga nabantayan sa bana nga dunay gihimong salaod ang iyang asawa, hinungdan nga nagpatabang kini sa intelligence sa Philippine Army aron makakuha og lig-on nga ebidensya batok sa iyang asawa.
Tungod niini, gilusad sa otoridad ang usa ka operasyon diin nahibal-an nga nag-uban ang asawa ug ang school principal sa usa ka lodge ug atol sa operasyon, kuyog ang bana nga sundalo, mi-angkon sab sa iyang asawa nga nakahimo kini og sala.
Subay niini, nanawagan si Lt. Ocon labi na sa mga magtiayon, nga angayan lamang respetohon ang kaminyoon tungod usa kini ka sagrado nga butang. Gisulayan sab sa Brigada News nga makuha ang bahin sa nalambigit sa maong kaso ilabi na ang mga suspek apan nagpabiling tak-om ang ilang baba kalabot sa gisudlan nilang salaod.