BICOL—Tigpahayag kan manihamyento kan First Catanduanes Electric Cooperative o FICELCO na kulang asin dae supisyente an suplay nin kuryente ngunyan sa probinsiya nin Catanduanes.
Sa intrebista ki Engr. Jose Barro Jr – Dispatch Officer asin OIC Area Department Manager kan FICELCO, inihayag kaining non-operational kaya an gabos na mga hydro power plants kan SUWECO kung sain walo hale sa kabilugang 18 ang non-operational.
Nagpapatak subuot sa 10.2 megawatts ang demand nin kuryente sa probinsya alagad 7.8 megawatts sana ang abilableng suplay nin kuryente.
Paliwanag kan opisyal, naraot an walong planta nin kuryente puon pa kan mandistroso an bagyong Rolly mantang si ibang units dati namang raot bago pa nanlamasa ang bagyong Bising.
Sa ngunyan, ang NAPOCOR o National Power Corporation ang saindang nakakatuwang sa pag-suplay nin kakulangan.
Dugang pa kaini, kung dae mapapakarhay ang mga rapak asin depektibong units, lauman na mamamatean sa bilog na probinsya ang sunod-sunod na load shedding schedule asin paglala pa kan power interruptions.##