Nagtaas ang presyo kag ginakulang ang suplay sang itlog sa Roxas City.
Suno kay Bobong Dolfo, manugbaligya sang itlog sa Teodoro Arcenas Trade Center, magamay nalang ang suplay sang itlog nga ila ginakompra gikan sa Batangas bangud ang taga-Bulacan kag Pampanga ang didto naman nagakuha sang inugbaligya. Nahibaluan apektado sang swine flu ang mga poultry sa Bulacan kag Pampanga.
Dugang pa sini, nagsaka sang P20 tubtob P30 ang kada tray sang itlog. Ginpahayag naman ni Nanay Nenita, wala sila sang mahimo bangud halos tanan nga balaklon sa merkado ang nagmahal na kag apektado man ang iya pamaligyaon sa iya tiangge. | Judy Ann Juare