Supplier og oxygen sa Gensan, mas prayoridad ang demand nga medical oxygen sa mga ospital

PRAYORIDAD sa usa ka manufacturer sa mga oxygen nga nahimutang sa Barangay Glamang, Polomolok, South Cotabato nga mahatag ang gikinahanglan nga demand sa medical oxygen sa tanang mga ospital sa Gensan.

Kini dungan sa nahitabong kakulangon sa suplay sa mga oxygen tank sa dakbayan.

Giangkon sa labaw sa nahisgotang supplier sa mga oxygen nga ilahang nahatag ang gikinahanglan nga demand sa mga ospital sama na lamang sa St. Elizabeth hospital nga usa sa adunay demand sa mga medical oxygen.

Dugang pa niini naghangyo usab ang maong buhatan sa mga medical oxygen nga sabton sila kung adunay kalangay nga mahitabo sa pag provide sa mga tangke sa oxygen, tungod kay aduna pay mga proseso nga ginahimo aron maandam ang maayong quality niini.

Ginapaningkamotan matud pa sa mga trabahante nga mahimong mapadali ang pagproseso sa oxygen tank aron paspas nga mahatag ang demand nga gikinahanglan sa mga ospital ug uban pang mga indibidwal nga nagapalit ngadto kanila. ( Enamie Mogpon)