KABANKALAN CITY, Negros Occidental, Philippines — Patay ang isa ka gina-suspetsuhan miyembro sang New People’s Army (NPA) matapos magluntad ang isa ka gina-alegar engkwentro sa Sitio Angalan, Barangay Quintin Remo, sa banwa sang Moises Padilla, Negros Occidental sang Huwebes, Abril 4, 2024.
Pahayag ni Lieutenant Mary Liza Joy De Guzman, civil-military operations officer sang 62nd Infantry Battalion, duwa ka engwentro ang nagluntad: ang una nga pag-bayluhanay lupok nagluntad ala-5:30 sang aga kag gin-sundan sang ika-duwa nga engkwentro matapos ang pila ka oras sa Sitio Sak-Sak, sa amo man gihapon nga barangay.
Alegasyon sang mga otoridad, nag-patigayon sang isa ka joint operation ang 62nd Infantry Battalion kag Negros Occidental Provincial Mobile Force Company, matapos nakabaton ang mga ini sang mga report gikan sa pumuluyo nga may prisensya sang mga armado nga grupo.
Suno kay De Guzman, na engkwentro sang mga otoridad ang lima ka mga gina-suspetsuhan NPA, lakip na ang napatay nga lalaki nga miyembro sang Central Negros 1 (CN1) nga gina-kunsiderar nila bilang “dismantled” ukon na bungkag na.
Nagdugay ang una nga engkwentro sang pila ka minutos nga nag resulta sa pagkapatay sang isa ka 24-anyos nga lalaki kag pagka-rekober sang isa ka KG9 sub-machine gun, isa ka rifle grenade, medical paraphernalia, magazines kag ammunition, personal nga mga kagamitan kag mga subversibo nga mga dokumento.
Samtang, ang ika-duwa nga engkwentro ang nag resulta man sa pagka-rekober sang isa ka .38 caliber nga revolver, isa ka rifle grenade, magazines kag ammunition, pati na mga personal nga mga kagamitan.
DISCLOSURE
Gin-kumpirmar ni Rosetta Catasio nga iya ika-duwa nga bata ang napatay nga lalaki sa gina-alegar engkwentro.
Positibo nga gin-kilala ni Rosetta ang iya anak nga si Marlon Catasio, isa ka manog-uling, wala sang asawa, kag residente sang Sitio Tios sa amo man nga barangay kag banwa.
Alegasyon sang iloy, antis natabo ang pagka-patay sang iya bata, gin-kadtuan sila sang isa ka grupo sang mga militar sa ila balay agud pangita-on si Marlon nga naga-puyo sa piyak nga sitio sang barangay, upod ang magulang sini.
Pahayag sang iloy, agud dasig ma kadtu-an sang mga militar si Marlon, gin pa-updan sini ang mga militar sang isa sini ka bata. Kag pag-abot sang mga militar sa balay nga gina-tiniran ni Marlon, gina-alegar gin-papuli sang mga militar ang manghod sang napatay nga nag giya sa mga otoridad.
Apang, suno kay Rosetta, gin pa-puli sang mga otoridad and manghod ni Marlon kag nag siling, “Wala na problema dodong kay amon lang dal-on si manong nimo.”
Naga-panindugan naman ang iloy nga wala dala sang ano man nga armas ang iya bata, suli sa alegasyon sang mga militar nga armado ini kag may kaupod nga mga NPA.
Gin-ako naman sang iloy nga nangin miyembro sang NPA sang iya bata nga napatay sang malip-ot nga panahon, apang nag-sungka ini sa mga militar sang 2023.
Sa piyak nga bahin, gin-panginwala naman sang pulang hangaway nga may nagluntad nga engkwentro sa nasambit nga lugar.
AID
Nagpasiguro naman sang bulig pinansyal ang lokal nga panguluhan sang Moises Padilla kag gin-ako ang pag-palubong sa napatay nga lamharon.
Nag dul-ong man sang bulig ang Municipal Social Welfare and Development Office (MSWDO) sa 63 ka mga pamilya ukon 275 ka mga indibidwal nga na-ipit sa gina-alegar pa engkwentruhanay.
Bigo si Reymart “Assassin” Gaballo sa kamay ng Mexican fighter na si Kenbun Torres. Napatumba…
Nagbabala ang Department of Justice laban sa mga dayuhang sangkot sa mga iligal na pagnenegosyo…
Humigit-kumulang 22,000 libong mga pulis ang ipapakalat sa NCR para sa ikatlong State of the…
Dumating na sa Pilipinas ang Pinoy Seaman na crew ng MSC Aries na halos isang…
NAGA CITY – Pansamantalang ipinatigil magtinda, ang nasa 33 na mga street vendors sa Naga…
Itinuring na isang tagumpay ang 39th Balikatan Exercise sa pagitan ng mga sundalong Pilipino at…