Suspek sa Degamo slay, kumambyo, itinanggi na kilala Arnie Teves

Kumambyo ang suspek sa pagpatay kay Negros Oriental Governor Roel Degamo sa kanyang naging pahayag at itinangging alam niya ang assassination at kilala ang mga utak sa krimen na sina suspended Negros Oriental Representative Arnolfo “Arnie” Teves Jr. at Marvin Miranda, na dating bodyguard ng mambabatas.

Ayon kay Atty. Harold Montalbo, abogado ni Osmundo Rivero, na batay sa limang pahinang counter-affidavit ng kanyang kliyente, binigyang diin nito na pinilit lang siya na ituro si Teves, bilang isa sa mga nag-utos sa pagpatay, habang siya ay nasa headquarters ng Philippine National Police (PNP).

Dagdag ni Rivero, na pinayuhan umano siya ng abogado mula sa Public Attorney’s Office (PAO) na ibigay nalang ang demands ng pulisya, para hindi masaktan.

Samantala, itinanggi naman ni Atty. Jason Bandal, ang PAO lawyer na nakatalaga kay Rivero, ang naging pahayag ng suspek. //MHEL PACIA-TRINIDAD

Leave a Reply

Your email address will not be published. Required fields are marked *