GIBUHIAN sa kapulisan gikan sa selda sa Tambler Police station ang estudyante nga gitudlong suspek sa pagpangawat og motorsiklo kini human nga dili na interesado nga mopasaka og kaso ang biktima nga si Jess Labrague.
Sa impormasyon gikan sa kapulisan Mayo 16 sa buntag gipagawas nila ang estudyante gikan sa pagkabalhog human mihangyo matud pa ang pamilya ni Jophette Tapiz,24-anyos ngadto sa biktima nga iatras ang kasong Anti-carnapping tungod naga-eskwela pa si Tapiz sa kolehiyo.
Human sa pag-areglo nabalik kang Labrague ang iyang bajah nga motorsiklo. Kahibaloan Mayo 12 atbang sa General Santos City National highschool sa Barangay Calumpang nawala ang motorsiklo sa biktima ug ilaha kining narekober sa posisyon sa nahisgotang estudyante sa Beatiles Street, Barangay Dadiangas South. I Enamie Mogpon