NAGPADAYON nga libre ang pagpa-swab test sa Sarangani Province pinaagi sa provincial ug municipal diagnostic and testing support teams, maong walay kabalak-an sa bayrunon.
Pagdasig kini sa mga katawhang Sarangan nga muduol gyud sa ilang barangay health center, municipal-provincial hospitals ug municipal-provincial health offices aron matagaan og saktong atensyon, hilabi na nga subling nitaas ang active cases sa entiro Region 12 ning panahuna.
Dili krimen kung maigo sa COVID-19, apan salaod kung intensyon nga dili mutug-an ug manakod pa sa uban.
Maong padayon ang panawagan nila Gov. Steve Chiongbian Solon ug mga mayores sa probinsya sa Sarangani nga mupabalo dayon sa mga gipamati sa lawas.
Pwedeng matawagan ang PDRRMO Sarangani aron maka-responde pinaagi sa ilang hotline number 117 o dili ba kaha sa 0917-872-9014. Early detection matud pa ang maayong buhaton sa COVID-19 aron dili mulala ang kahimtang sa pasyente. Gani, daghan man ang naka-recover.
Anaa ra ang LGU Sarangani makunayon ang pag-ayuda sa libreng konsumo, mga bitamina ug uban pang kaayuhan sulod sa mga quarantine ug isolation facility aron magpa-ayo ug dili na mu-grabe ang medical bulletin sa mga nag-positibo sa Coronavirus.